ရခိုင်ပြည်နယ်အတွင်း အကူအညီပေးရန် မြစ်ကြီးနားမြို့နယ် ပြည်သူများထံမှ သိန်း၂၀၀ကျော်ရရှိ
ရခိုင်ပြည်နယ်အတွင်း
အကူအညီပေးရန် မြစ်ကြီးနားမြို့နယ် ပြည်သူများထံမှ သိန်း၂၀၀ကျော်ရရှိ
EPN
မြစ်ကြီးနား
နိုဝင်ဘာ ၂၀
- ရခိုင်ပြည်နယ်အတွင်းရှိ ပြည်သူများကို လူသားချင်းစာနာမှု အကူအညီ အထောက်အပံ့ပေးရေးအတွက် မြစ်ကြီးနားမြို့နယ်ရှိ ပြည်သူများထံမှ အလှူငွေသိန်းနှစ်ရာကျော် ရရှိထားကြောင်း မြစ်ကြီးနားမြို့နယ် အုပ်ချုပ် ရေးမှုးရုံးမှ သိရသည်။
- အဆိုပါ အလှုငွေများကို မြစ်ကြီးနားမြို့နယ်အတွင်းရှိ ရပ်ကွက်နေပြည်သူများ၊အစိုးရ၊ အရပ်ဘက်လှုမှု ရေးအဖွဲ့အစည်းများ၊နိုင်ငံရေးပါတီများ၊လှုမှုရေးအသင်းအဖွဲ့များမှ စုပေါင်းလှုဒါန်းကြခြင်းဖြစ်သည်။
- ``အစိုးရ အဖွဲ့ရဲ့ ညွှန်ကြားချက်အရလွန်ခဲ့တဲ့ တစ်ပတ်လောက်က ရပ်ကွက်အုပ်ချပ်ရေးမှုးတွေကို အဖွဲ့ဝင်တွေနဲ့ ဖွဲ့စည်းပြီး ကောက်ခံခဲ့တာပါ အခုလိုရပ်ကွက်နေပြည်သူတွေ ထည့်ဝင်ပေးတဲ့အတွက်လည်း အရမ်းကျေးဇူးတင်ပါတယ်´´ဟု မြစ်ကြီးနားမြို့နယ် အုပ်ချုပ်ရေးမှုး ဦးသန်းဝင်းကပြောသည်။
- မြစ်ကြီးနားမြို့နယ်အဆင့် ဌာနဆိုင်ရာများမှ အလှုငွေ ( ၆၄၄၅၅၀)ကျပ်ရရှိ၍ ဆင်ဘိုမြို့ဌာနဆိုင်ရာ များနှင့် ရပ်ကွက်နေသူများထံမှ (၁၂၃၉၀၀၀)ကျပ်နှင့် မြစ်ကြီးနားမြို့နယ် အတွင်းရှိ ရပ်ကွက်ကျေးရွာများရှိ ပြည်သူများ ထံမှ (၁၉၆၅၆၀၀၀)ကျပ်ရရှိခဲ့သည်။
- အဆိုပါ အခမ်းအနားကို ဧရာရပ်ကွက်ရှိ စုပေါင်းရုံးတွင် အောက်တိုဘာ ၂၀ရက် နံနက်၁၀နာရီတွင် ကျင်းပခဲ့ပြီး ကောက်ခံရရှိသည့် အလှုငွေများကို ရခိုင်ပြည်နယ်အတွင်း လူသားချင်း စာနာမှု အကူအညီ အထောက်အပံ့ပေးရေး ပြန်လည်နေရာချထားရေးနှင့် ဒေသဖွံ့ဖြိုးရေး လုပ်ငန်းများတွင် အသုံးပြုသွား မည်ဖြစ်ကြောင်း သိရသည်။
- ယခုနှစ်ပြီးခဲ့သည့် သုံးလကတင်၍ ရခိုင်ပြည်နယ် အတွင်းဖြစ်ပွားနေသော ARSA အကြမ်းဖက် မှုများ ကြောင့် ရခိုင်ပြည်နယ်ဒေသခံ အများအပြား စာဝတ်နေရးအခက်တွေ့နေရကြောင်း သိရသည်။
မီးမီး




Comments
Post a Comment