ဗန်းမော်မြို့ သံတဲရိပ်သာ အဆောက်အဦးပန္နက်တင်မင်္ဂလာ ကျင်းပ
ဗန်းမော်မြို့ သံတဲရိပ်သာ အဆောက်အဦးပန္နက်တင်မင်္ဂလာ ကျင်းပ
EPN
ဗန်းမော်၊ အောက်တိုဘာ ၁၇
- ကချင်ပြည်နယ် ဗန်းမော်မြို့တွင် မြို့နယ်အထွေထွေ အုပ်ချုပ်ရေး ဦးစီးဌာန သံတဲရိပ်သာ အဆောက်အဦး ပန္နက်တင်မင်္ဂလာကို အောက်တိုဘာ ၁၇ ရက်နေ့ နံနက် ၈ နာရီတွင် ညောင်ပင်ရပ်ကွက် သံတဲရိပ်သာဝန်းအတွင်း၌ ကျင်းပခဲ့သည်။
- ရှေးဦးစွာ ပြည်နယ်လွှတ်တော် ဥက္ကဋ္ဌ ဦးထွန်းတင်၊ ပြည်နယ် စီမံဘဏ္ဍာရေး ဝန်ကြီး ဦးဝေလင်း၊ ပြည်နယ်လွှတ်တော် ကိုယ်စားလှယ် ဦးဇော်သင်း ခရိုင်အုပ်ချုပ်ရေးမှူး ဦးထွေးမြင့် တို့က သတ်မှတ် နေရာများတွင် အသီးသီး နေရာယူခဲ့ကြ၍ မင်္ဂလာအချိန် ကျရောက်သည့် နံနက်၈ နာရီတွင် ပန္နက် ရိုက်ခဲ့ ကြပြီး အမွှေးနံ့သာရည်များပက်ဖြန်းခဲ့ကြသည်။
- ဆက်လက်၍ ပန္နက်တင် မင်္ဂလာအခမ်းအနား ကျင်းပရာ ASIM CMI ကုမ္ပဏီ လီမိတက် တာဝန်ခံအင်ဂျင်နီယာ ဦးဝဏ္ဏကိုကိုက သံတဲဆောက်လုပ်ခြင်းနှင့် ပတ်သက်၍ Work Schedule ဆောက်ရွက်မည့် အစီအစဉ်များကိုရှင်းလင်း တင်ပြခဲ့သည်။
- သံတဲ ရိပ်သာသည် (၈၀ ပေ×၉၂ ပေ×၂၆ ပေခွဲ)ဖြစ်၍ အာရ်စီနှစ်ထပ် ဖြစ်ပြီး ကချင်ပြည်နယ် အစိုးရအဖွဲ့၏ ၂၀၁၇ /၂၀၁၈ ဘဏ္ဍာရေးနှစ် ငွေလုံးငွေရင်းခွင့်ပြု ရန်ပုံငွေ ကျပ် ၂၅၂ ဒသမ ၆၂၅သန်းဖြင့် ASIM CMIကုမ္ပဏီက တာဝန်ယူတည်ဆောက်မည်ဖြစ်ကြောင်း ကုမ္ပဏီတာဝန်ခံ အင်ဂျင်နီယာထံမှ သိရှိရသည်။
- သံတဲရိပ်သာ ဆောက်လုပ်ပြီးပါက ကချင်ပြည်နယ်အစိုးရအဖွဲ့၊ ပြည်နယ်အဆင့်ဌာနဆိုင်ရာများ၊ တိုင်းနှင့် ပြည်နယ်အသီးသီးရှိ တာဝန်ရှိသူများ၊ ဌာနဆိုင်ရာများ၊ ခရိုင်အတွင်းရှိ မိုးမောက်၊ မန်စီ၊ ရွှေကူ မြို့နယ်များမှ ဝန်ထမ်းများ ဗန်းမော်မြိုသို့ ရောက်ရှိပါက တည်းခိုမှု အဆင်ပြေမည်ဖြစ်ကြောင်း မြို့နယ် အထွေထွေ အုပ်ချူပ်ရေးဦးစီးဌာနထံမှ သိရှိရသည်။
Comments
Post a Comment