ဗန်းမော်မြို့တွင် စစ်ဘေးတိမ်းရှောင်စခန်းနေ နဝမတန်းကျောင်းသားတစ်ဦး ဓားခုတ်ခံရ၍ သေဆုံး
ဗန်းမော်မြို့တွင် စစ်ဘေးတိမ်းရှောင်စခန်းနေ နဝမတန်းကျောင်းသားတစ်ဦး ဓားခုတ်ခံရ၍ သေဆုံး
EPN
ဗန်းမော်၊ စက်တင်ဘာ ၉
- ကချင်ပြည်နယ် ဗန်းမော်မြို့တွင် ရောဘတ်စစ်ဘေး တိမ်းရှောင်စခန်းနေ နဝမတန်းကျောင်းသား တစ်ဦး ဓားခုတ်ခံရ၍ ဓားဒဏ်ရာရရှိပြီး သေဆုံးမှု စက်တင်ဘာလ ၈ရက်နေ့ ညပိုင်းက ဖြစ်ပွားခဲ့ကြောင်း သိရှိရသည်။
- ဗန်းမော်မြို့ ညောင်ပင်ရပ်ကွက် ရောဘတ်စစ်ဘေးတိမ်းရှောင်စခန်းနေ တရားလို ဒေါ်မရစ်ခွန်ထွဲ သည် စက်တင်ဘာ ၈ ရက်နေ့ ညပိုင်း နေအိမ်တွင် ရှိနေစဉ် ၄င်း၏ သားဖြစ်သူဇော်ဒိန် ၁၆နှစ်၊ ညဘက် ကျူရှင်တက်ရန် လမ်းလျှောက်သွားခဲ့ရာမှ မင်းကုန်းရပ်ကွက် သမဆီစက်ရှေ့ရွှေ "လက်ဖက်ရည်ဆိုင်အနီး တွင် လည်ပင်းပြတ်ရှဒဏ်ရာများဖြင့် ပက်လက်အနေထားသေဆုံးနေသည်ကို တွေ့ရသဖြင့် ပြည်သူ့ဆေးရုံ ကြီးသို့ ရောက်ရှိ နေကြောင်း ည ၉နာရီ မိနစ်၄၀အချိန်ခန့်တွင် စစ်ရှောင်စခန်းတာဝန်ခံ ဦးတန်ဂွမ်းမှ ဖုန်းဖြင့်ဆက်သွယ်ပြောသောကြောင့် ဆေးရုံကြီးသို့ သွားရောက်ကြည့်ရှုခဲ့ရာ ဇော်ဒိန်မှာ မေးစေ့အောက် ပြတ်ရှဒဏ်ရာတစ်ချက်၊ လည်ပင်းဝဲဘက်အောက် ပြတ်ရှဒဏ်ရာတစ်ချက် ရရှိပြီး သေဆုံးနေသည်ကို တွေ့ကြောင်း ရဲမှတ်တမ်းအရသိရသည်။
- ဖြစ်စဉ်နှင့်ပတ်သက်၍ မြို့မရဲစခန်းက (ပ)၂၃၄/၂၀၁၇၊ ပြစ်မှု ရာဇသတ်ကြီးပုဒ်မ လ ၃၀၂ အရ အမှုဖွင့်၍ အမှုစစ် စခန်းမှူး ဒုရဲမှူးသိန်းဝေမြင့်က ပြစ်မှုကျူးလွန်သူကို အမြန်ဆုံးဖမ်းဆီးရမိရေးအတွက် စစ်ဆေးဆောင်ရွက်လျှက်ရှိသည်။
- "ဓါးခုတ်ခံရ၍ သေဆုံးသူလူငယ်က နဝမတန်းကျောင်းသားပါ ကျမအတန်းကပါ အဲဒီသတင်း ကြား ရတော့ ကျမလုံးဝစိတ်မကောင်းဘူး” ဟု ဗန်းမော်မြို့ ညောင်ပင်ရပ်ကွက် အခြေခံပညာအထက်တန်း ကျောင်း (ခွဲ) အလက (၃)၊ နဝမတန်း (ဘီ)မှ အတန်းပိုင်ဆရာမတစ်ဦးကပြောသည်။
- အဆိုပါ အထက်တန်းကျောင်းခွဲသည် ရောဘတ်နှစ်ခြင်းခရစ်ယာန် ဘုရားရှိခိုးကျောင်းအနီးတွင် တည်ရှိပြီး စစ်ဘေးတိမ်းရှောင်စခန်းအနီးတွင်ရှိသဖြင့် စစ်ဘေးတိမ်းရှောင် မိသားစုဝင်များ၏ သားသမီးများ သည် အဆိုပါ ကျောင်းတွင် ပညာသင်ကြားလျှက်ရှိကြောင်း ဒေသခံများထံမှ သိရှိရသည်။
Comments
Post a Comment