မိုးညှင်းမြို့တွင် အထက(၂)အစိုးရစာသင်ကျောင်းမှ ကျောင်းသူလေးတစ်ဦး ကြိုးဆွဲချသေဆုံး
မိုးညှင်းမြို့တွင် အထက(၂)အစိုးရစာသင်ကျောင်းမှ ကျောင်းသူလေးတစ်ဦး ကြိုးဆွဲချသေဆုံး
EPN
မိုးညှင်းဇန်နဝါရီ၂၀
- မိုးညှင်းမြို့အောင်သပြေ(၃)ရပ်ကွက်နေ အထက(၂)အစိုးရစာသင်ကျောင်းမှ ကျောင်းသူလေးတစ်ဦး ဇန်န၀ါရီလ ၂၀ ရက်နေ့ ညနေ၃နာရီခန့် အချိန်က တစ်ဦးကြိုးဆွဲချသေဆုံးခဲ့ကြောင်း သိရသည်။
- မြေးဖြစ်သူက သူ့ရဲ့မိဘတွေနဲ့ အဆက်အသွယ်ပြတ်ပြီး ဆင်းရဲ နွမ်းပါးစွာနဲ့ ကျောင်းတက်နေရလို့ သူ စိတ်ညှစ်နေ တယ် ကျမက သက်ငယ်ရိတ် သွားနေပြီးအိမ်ပြန်မှ သေဆုံးနေတာသိရတယ် ဟု သေဆုံးသူ၏ အဖွားဖြစ်သူ ဒေါ်ခင်သောင်း ကပြောသည်။
- သေဆုံးခဲ့သူ အသက်၁၆နှစ်ရှိ မယဉ်ရူပါစိုးသည် အသက်(၇၀)နှစ်ရှိ အဖွားဖြစ်သူ ဒေါ်ခင်သောင်း ပိုင်ဆိုင် သည့် အောင်သပြေ(၃)ရပ်ကွက် အိမ်အမှတ်၃/၅၁ နေအိမ် တွင် အတူ နေထိုင်ပြီးမိုးညှင်းအထက(၂) ဒဿမတန်း(B) အခန်းတွင် ပညာသင်ကြားနေသော ကျောင်းသူလေး ဖြစ်ကြောင်းသိရသည်။
- ဖြစ်စဉ်မှာ အောင်သပြေ(၃)ရပ်ကွက်တွင် အမျိုးသမီးတစ်ဦးကြိုးဆွဲချသေဆုံးနေကြောင်း သတင်းအရ မိုးညှင်းမြို့မ ရဲစခန်း ဒုတိယစခန်းမှူး ရဲအုပ်ညွှန်လှိုင် နှင့်အဖွဲ့ သွားရောက်စစ်ဆေးခဲ့ရာ မယဉ်ရူပါစိုး ဆိုသူမှာ အောင်သပြေ(၃) ရပ်ကွက် နေအိမ်အတွင်းရှိသေတ္တာပေါ်တွင်မှောက်လျက်အနေအထားဖြင့် ၎င်း၏လည်ပင်းတွင် (၄)ပင်လိမ်ပလပ်စတစ် ကြိုးစွပ်လျက်သေဆုံးသေဆုံးနေခဲ့ကြောင်းသိရသည်။
- အခင်းဖြစ်သည့်နေရာတွင် (၆)ပေခန့်ရှိသော (၄)ပင်လိမ်ပလပ်စတစ်ကြိုး ကွင်းအသေး၏ အစမှာဖွာနေပြီးပြတ် ကျထားသည့် အနေအထား များတွေ့ရှိသဖြင့်ဆက်လက်စစ်ဆေးခဲ့ရာ ၎င်းအိပ်ခန်း၏ကြမ်းပြင်မှ (၇)ပေမြင့်သောနေရာ တွင် တန်းထိုးထားသည့် ၆X၃ လက်မ ဆိုဒ်အရွယ် သစ်သားတန်းတွင်ကြိုးရာများတွေ့ရှိခဲ့သည်ဟုဆိုသည်။
- အဆိုပါသေဆုံးမှုမှာ ဓမ္မတာအတိုင်းဟုတ်မဟုတ် သိရှိစေရန် သေမှုသေခင်း အမှတ်စဉ် (၃/၂၀၁၈)ဖြင့်အမှုဖွင့်ကာ စစ်ဆေးနေကြောင်း မိုးညှင်းမြို့မရဲစခန်းကသိရသည်။
Comments
Post a Comment