တတိယအကြိမ်မြောက် ဓမ္မစကူးလ်ကျောင်းတော်များ စုံညီပွဲတော်ကျင်းပ
တတိယအကြိမ်မြောက် ဓမ္မစကူးလ်ကျောင်းတော်များ စုံညီပွဲတော်ကျင်းပ
EPN
မိုးကောင်း ဇန်နဝါရီ ၂၁
- တတိယအကြိမ်မြောက် ဓမ္မစကူးလ်ကျောင်းတော်များ စုံညီပွဲတော်ကိုရွှေသာလျောင်းဘုရားဝင်းတွင် ယမန်နေ့ နေ့ခင်းကကျင်းပပြုလုပ်ပါသည်။
- တိုင်းပြည်ပျက်တယ်ဆိုတာ ဗုံးခွဲဖျက်ဆီးမှပျက်တာ မဟုတ်ပါဘူး။ အဲဒီတိုင်းပြည်မှာနေတဲ့သူတွေ ပညာ မတတ်ရင်လဲပျက်ပါတယ် စိတ်ရင်းစိတ်ဓါတ်မကောင်းသူတွေ လက်ထဲအုပ်ချုပ်မှုအာဏာရောက်ရင် လဲပျက်ပါ တယ်။ ဘုန်းကြီးတို့ ဓမ္မစကူလ်းဆိုတာစိတ်ရင်း စိတ်ဓာတ်ကောင်းမွန် အောင်သင်ကြားပေးနေတာပါ။ နောင်အနာဂါတ်ကိုဦးဆောင်မဲ့သူတွေအနေနဲ့စိတ်ရင်းစိတ်ဓါတ်ကောင်းမွန်ပြီးပညာတတ်ဖြစ်အောင်ကြိုးစားကြပါ"ဟု ပစ္ဆိမာရုံကျောင်းဆရာတော်ဦးသာသနမှမိန့်ပါသည်။
- ကချင်ပြည်နယ် မိုးကောင်းမြို့ရွှေသာလျောင်းဘုရားဝင်းတွင် ဇန်နဝါရီလ ၂၀ရက်နေ့နေ့ခင်း ၁၁နာရီမှစ၍ တတိယအကြိမ်မြောက် ဓမ္မစကူးလ်ကျောင်းတော်များ စုံညီပွဲတော်ကျင်းပပြုလုပ်ရာတွင် ဆရာတော်မှအထက်ပါ အတိုင်းသြဝါဒစကားတွင်မိန့်ကြားခြင်းဖြစ်သည်။
- နမောတဿ သုံးကြိမ်ရွတ်ဆို ဘုရားကန်တော့ဖွင့်လှစ်ပြီး တောင်ကျောင်းဆရာတော်ဦး ဇောတိကထံမှ ငါးပါးသီလခံယူဆောက်တည်ကြ၍ ပစ္ဆိမာရုံကျောင်းဆရာတော်ဦးသာသနမှ သြဝါဒစကားမိန့်ကြားကာကြွရောက် လာသော ဆရာတော်ကြီးများကို မြို့နယ်အုပ်ချုပ်ရေးမှူးဦးရန်နိုင်ထွန်းမှ နဝကမ္မဝတ္ထု ငွေဆက်ကပ်ပြီးမွန်းလွှဲ ၁း၃၀နာရီ၌ ဆရာတော်များပြန်ကြွပြီး ဒုတိယပိုင်းအဖြစ် ဓမ္မစကူးလ်ဆရာ/မများနှင့်ကျောင်းသူ/သားများ၏ ပြဇာတ်ဗုဒ္ဓဝင် ဇာတ်တော် အဆို အကများတင်ဆက်ကြသည်။
- "ဓမ္မစကူးလ်ကျောင်းတက်တဲ့ကလေးတွေမှာ ထူးခြားတဲ့ပြောင်းလဲမှုအနေနဲ့ကတော့ မဟုတ်တာမမှန် တာလုပ်ရမှာကိုကြောက်လာတယ် ရွံ့လာတယ် ဟုတ်တာမှန်တာလုပ်တဲ့နေရာမှာရဲရင့်လာကြတယ် ကလေး တွေကိုသင်ပေးရင်းနဲ့ ကလေးတွေဆီကလဲပြန်သင်ယူရပါတယ်" ဟုဓမ္မစကူးလ်ကျောင်း ဆရာလုပ်သက်၃နှစ် ရှိအောင်ရှမ်းစုကျေးရွာမှ ဆရာမျိုးမြင့်အောင်မှဆိုသည်။
- ဓမ္မစကူးလ် ကျောင်းတော်များစုံညီပွဲတော်ကို ဧည့်သည်များဆရာ/မများနှင့်ကျောင်းသူ/သားများအင်အား ၂၅၀၀ဦးခန့်တက်ရောက်၍ ပွဲတော်တွင်ကလေးငယ်များ အသိတိုးပွားစေရန်ဗုဒ္ဓဝင်ပြခန်းများ ထားရှိပြီး ကျောင်းတော်ဂေါစဂံများမှ စတုဒီသာအကျွေးအမွေးများဖြင့်ကျွေးမွေးဧည့်ခံကြသည်။
- မိုးကောင်းမြို့ပေါ်တွင်ဓမ္မစကူးလ်ကျောင်းတော်၁၃ကျောင်းရှိ၍တစ်မြို့နယ်လုံးအနေဖြင့်၂၆ကျောင်းရှိကာ ကျောင်းသူ/သား၃၀၀၀ဦးခန့်ကိုဆရာ/ဆရာမ ၂၅၀ဦးခန့်က ဘာသာရေးယဉ်ကျေးမှုစာပေသင်ကြားပေးလျှက် ရှိသည်။





Comments
Post a Comment