မိုးညှင်းမြို့တွင် ကျပ် ၁၉သိန်းကျော်တန်ဖိုးရှိ မူးယစ်ဆေးဝါများဖမ်းဆီးရမိ
မိုးညှင်းမြို့တွင် ကျပ် ၁၉သိန်းကျော်တန်ဖိုးရှိ မူးယစ်ဆေးဝါများဖမ်းဆီးရမိ
EPN
မိုးညှင်း ဇန်နဝါရီ ၁၉
- မိုးညှင်းမြို့နယ် မော်ဟန်ကျေးရွာအနောက်ဘက် မော်ဟန်-နမ္မချီ သွားရာ ကားလမ်းတွင်စိတ်ကြွဆေးများ အား ဆိုင်ကယ်ဖြင့်သယ်ယူလာသော အမျိုးသားတစ်ဦး ထံမှကာလတန်ဖိုး ၁၉သိန်းကျော်တန်ဖိုးရှိ မူးယစ်ဆေးဝါး မျးကို ဇန်န၀ါရီ ၁၈ ရက်နေ့ ည၉နာရီအချိန်က ဖမ်းဆီးမိခဲ့ကြောင်းသိရသည် ။
- ဖြစ်စဉ်မှာမိုးညှင်းခရိုင် ပြည်နယ်မှုခင်းအကူဌာနစိတ် ရဲအုပ်ကျော်မျိုးနိုင် အဖွဲ့နှင့်မော်ဟန်ရဲကင်းစခန်း အဖွဲ့တို့က အရပ်သက်သေများနှင့်ပူးပေါင်းကာ မော်ဟန်ကျေးရွာအနောက်ဖက်မော်ဟန်-နမ္မချီသွား ကားလမ်း အနီး မော်ဟန်သင်္ချိုင်းအနီးတွင်စောင့်ဆိုင်းကာ မှော်ဟန်ဘက်သို့ သွားနေသော နေမျိုးအောင် ဆိုသူ၏ ဆိုင်ကယ် အား စစ်ဆေးခဲ့ကြောင်းသိရသည်။
- နေမျိုးအောင်၏ ဘယ်ဘက်လက်တွင်ဆုတ်ကိုင်ထားသော အပြာရောင်ကပ်ခွာအိတ်ဖြင့်ထည့်ထားသော ပန်းရောင်စိတ်ကြွဆေးပြားဟုယူဆသော88/1စာတန်းပါ ဆေးပြား(၂၀၀)ပြား စီပါသောအထုပ်(၃)ထုပ်နှင့် ဆေးထိုးအပ်ထည့်ထားသောပလပ်စတစ်အိတ်အတွင်း88/1စာတန်းပါ စိတ်ကြွရူးသွပ်ဆေးပြား အပြား(၅၀)ပြား ပါ(၁)ထုပ် စုစုပေါင်းဆေးပြား (၆၅၀) ပြား အလေးချိန် (၆၅)ဂရမ်ခန့် ကာလတန်ဖိုး ကျပ်၁၉သိန်း ၅သောင်း ဖိုး အားရှာဖွေတွေ့ရှိခဲ့ကြောင်းသိရသည်။
- “ကျွန်တော်တို့ မော်ဟန်-နမ္မချီ သွားရာကားလမ်းမှာရှောင်တစ်ခင် အမြဲဖမ်းနေပေမဲ့ ဖမ်းတိုင်းလဲမိနေပါ တယ် အခုလဲသွားရောက်စောင့်ဆိုင်းပြီးစစ်ဆေးဖမ်းခဲ့တာပါ” ဟု မော်ဟန်ရဲကင်းစခန်းဒုရဲအုပ်ဆန်းအောင်ထူး ကပြောသည်။
- အဆိုပါမူးယစ်ဆေးပြားများကို နေမျိုးအောင်ဆိုသူက နမ္မချီမှော်သို့ရောက်ရှိစဉ် အမည်မသိ ရှမ်းအမျိုးသား တစ်ဦးထံမှ ဆေးပြား(၄)ထုပ်ကိုကျပ်၁၂သိန်းဖြင့်ဝယ်ယူခဲ့ပြီး သုံးစွဲရန်နှင့်ပြန်လည်ရောင်းချခဲ့ရာမှ ကျန်ရှိနေသော ပစ္စည်းများဖြစ်သည်ဟု သိရကြောင်း၊ မူးယစ်ဆေးများနှင့်အတူတွေ့ရှိခဲ့သူနေမျိုးအောင်အား မယ(ပ) ၁၄/၂၀၁၈ မူး /စိတ် ပုဒ်မ -၁၅ /၁၉(က)ဖြင့် ဖမ်းဆီးအရေးယူထားကြောင်းမိုးညှင်းမြို့မရဲစခန်းမှသိရသည်။
Comments
Post a Comment