မြစ်ကြီးနားမြို့၌ ကြံ့ခိုင်ရေးပါတီမှ ရပ်/ကျေး ဥက္ကဠ တာဝန်ပေးအပ်ခြင်းနှင့် ပါတီဝင်နှစ်စဉ်ကြေး ပေးအပ်ခြင်း အခမ်းအနားကျင်းပ
မြစ်ကြီးနားမြို့၌ ကြံ့ခိုင်ရေးပါတီမှ ရပ်/ကျေး ဥက္ကဠ တာဝန်ပေးအပ်ခြင်းနှင့် ပါတီဝင်နှစ်စဉ်ကြေး ပေးအပ်ခြင်း အခမ်းအနားကျင်းပ
EPN
မြစ်ကြီးနား၊ ဇန်နဝါရီလ ၂၀
- မြစ်ကြီးနားမြို့နယ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံး၌ ရပ်ကွက်/ကျေးရွာအုပ်စု ပါတီကော်မတီ ဥက္ကဠ တာဝန်ပေးအပ်ပွဲနှင့် ပါတီဝင်နှစ်စဉ်ကြေးပေးအပ်ပွဲ အခမ်းအနားကို မြစ်ကြီးနားမြို့နယ်ရှိ ၎င်းပါတီရုံး၌ ဇန်နဝါရီလ (၂၀) ရက် နံနက်(၉)နာရီက စတင်ကျင်းပခဲ့ပြီး၊ ပါတီ၏ ပြည်နယ်အတွင်းရေးမှူး ဦးစိုးသိန်း၊ ခရိုင်ဥက္ကဠ ဦးထွန်းဖေ၊ မြို့နယ် ဥက္ကဠ ဦးညွန့်ဝင်းတို့နှင့် ပါတီ ရပ်/ကျေး ဥက္ကဠ တာဝန်ပေးအပ်ခြင်း ခံရသူများ၊ ပါတီဝင်များ စုစုပေါင်း လူဦးရေ(၇၀)ကျော်ခန့် တက်ရောက်ခဲ့ကြကြောင်း သိရသည်။
- အဆိုပါ အခမ်းအနား၌ ပါတီ၏ ပြည်နယ်အတွင်းရေမှူး ဦးစိုးသိန်းမှ အဖွင့်အမှာစကား ပြောကြားရာတွင် "ကျနော်တို့ ပါတီမှာက စည်းရုံးရေးမှူးဆိုပြီးပဲ သုံးလာတာဖြစ်တဲ့အတွက် ခေတ်စနစ်နဲ့ ဆီလျှော်အောင်လို့ ဒီနေ့မှာ ရပ်/ကျေး ဥက္ကဠ အဖြစ်တာဝန်ပေးအပ်တာပါ။ ဒါကလဲ ပါတီ ဗဟိုကော်မတီရဲ့ ၈/၂၀၁၇ စည်းဝေးဆုံးဖြတ်ချက်နဲ့ ပြုပြင်ပြောင်းလဲရေး လုပ်ခြင်းဖြစ်ပါတယ်။ ပါတီဝင် နှစ်စဉ်ကြေးကတော့ ပါတီတိုင်းမှာ နှစ်စဉ်လုပ်နေတာဖြစ်လို့ အထွေအထူး ပြောဖို့မရှိပါဘူး။ ဒီနေ့ ရပ်ကျေး ဥက္ကဠ တာဝန်ပေးခံရသူတွေ အနေနဲ့ အခုထက်ပိုပြီး ကြိုးစားလုပ်ကိုင်ကြပါလို့ ပြောချင်ပါတယ်" ဟု ဆိုသည်။
- မြို့နယ်ဥက္ကဠမှလည်း ယခု တာဝန်ပေးအပ်ခြင်းခံရသူများမှာ ယခင်လုပ်ကိုင် ဆောင်ရွက်လျှက်ရှိသော လုပ်ငန်းဆောင်တာများထက် ပိုမိုတာဝန်ကြီးလာပြီဖြစ်ပြီး ပို၍ကြိုးစားကြရန် လိုကြောင်းဆိုသည်။
- "ဒီနေ့ တာဝန်ပေးအပ်ခံရတဲ့သူတွေဟာ အရင်က လုပ်ကိုင်နေတဲ့ အလုပ်ထက် ပိုပြီးကြိုးစားဖို့ လိုလာပါပြီ။ ဒါကြောင့် ပိုပြီးတော့ ကြိုးစားကြပါလို့ တိုက်တွန်းပြောကြားချင်ပါတယ် "ဟု မြို့နယ်ပါတီ ဥက္ကဠ ဦးညွန့်ဝင်းကပြောသည်။
- ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီသည် ၂၀၁၀ ခုနှစ် အထွေထွေ ရွေးကောက်ပွဲကြီး၌ အနိုင်ရရှိခဲ့သော ပါတီကြီးတစ်ခုဖြစ်ကာ ၂၀၁၅ခုနှစ် ရွေးကောက်ပွဲ၌မူ လွှတ်တော်နေရာ အနည်းငယ်သာ အနိုင်ရရှိခဲ့ပြီး ၂၀၂၀ ခုနှစ် ရွေးကောက်ပွဲ၌ အနိုင်ရရှိရန် ယခုမှစတင် ကြိုးစားနေပြီဖြစ်ကြောင်း သိရသည်။
Comments
Post a Comment