မိုးကောင်းမြို့နယ် ဗောဓိကုန်းစေတီဘုရားပွဲရှိလောင်းကစားဒိုင်များကိုဖမ်းဆီး
မိုးကောင်းမြို့နယ် ဗောဓိကုန်းစေတီဘုရားပွဲရှိလောင်းကစားဒိုင်များကိုဖမ်းဆီး
EPN
မိုးကောင်း ဒီဇင်ဘာ ၂၉
- ကချင်ပြည်နယ်မိုးကောင်းမြို့နယ်ပင့်သာကျေးရွာဗောဓိကုန်းစေတီဘုရားပွဲတွင်ဘုရားပွဲကိုအကြောင်းပြု၍လောင်းကစားမှုပြုနေကြောင်းသတင်းအရဝင်ရောက်ဖမ်းဆီးခဲ့ခြင်းဖြစ်သည်။
- ဒီဇင်ဘာ၂၃ရက်နေ့မှ၂၈ရက်နေ့ထိကျင်းပမည်ဖြစ်သောမိုးကောင်းမြို့နယ်ပင့်သာကျေးရွာဗောဓိကုန်းစေတီဘုရားပွဲတွင်လောင်းကစားဝိုင်းများပါရှိကြောင်းသတင်းအရ ဒီဇင်ဘာ ၂၇ ရက်ည၁၀နာရီတွင်မိုးညှင်းခရိုင်ရဲတပ်ဖွဲ့မှူးရုံးမှုခင်းနှိမ်နင်း ရေးဌာနမှ ရဲအုပ်ကျော်မင်းစိုး ၊ရဲအုပ်မြင့်သူဒုရဲအုပ်ဇော်လွင်၊ ဒုရဲအုပ်ကျော်မျိုးနိုင် ဦးစီးတပ်ဖွဲ့ဝင်များသည် ၆ ကောင်ခုံ နိုင်ငံခြားဘောလုံးသမားပုံများရိုက်နှိပ်ထားသည့်ဆတိုးလျော်စက်ပန်းခုံရှမ်းကိုးမီးခုံ ၊ငါးရှဉ့်လျောဖါးပါသစ်သား အန်စာတုံး ခုံများကိုဖမ်းဆီးသိမ်းဆည်းခဲ့သည်။
- ဖြစ်စဉ်နှင့်ပတ်သက်၍လောင်းကစားဒိုင်ပြုလုပ်သူဦးစိုးမင်းထွန်း(၃၀)နှစ်ဦးဇော်သက်ထွေး(၂၇)နှစ်ဦးမျိုးဇော်သိန်း (၂၅)နှစ်ဒေါ်ဝင်းဝင်းမေ(၂၈)နှစ်မျိုးထက်(ခ)ဝတုတ်(၃၈)နှစ်ဖိုးလပြည့်(၂၅)နှစ်တို့ကိုပင်းဘောနယ်မြေရဲစခန်းမှ(ပ)အမှတ် ၁၅/၁၆/၁၇/၁၈/၁၉/၂၀၁၇လောင်းကစားဥပဒေပုဒ်မ၁၂(က)ဖြင့်အမှုဖွင့်အရေးယူထားကြောင်းသိရသည်။
Comments
Post a Comment