မြစ်ကြီးနားမြို့တွင်းသို့ နေ့စဉ် ဝါးတူအစုံ၂သောင်းခွဲခန့် တင်ပို့ရောင်းချ
မြစ်ကြီးနားမြို့တွင်းသို့ နေ့စဉ် ဝါးတူအစုံ၂သောင်းခွဲခန့် တင်ပို့ရောင်းချ
EPN
မြစ်ကြီးနား ဒီဇင်ဘာ ၂၇
- မြစ်ကြီးနားမြို့နယ်အတွင်းရှိ မြစ်ဆုံစီမံကိန်းကြောင့်ပြောင်းရွေ့ခံရသည့် အောင်မြင်သာကျေးရွာတွင်ရှိသော Twin Brothers ဝါးတူစက်ရုံမှ မြစ်ကြီးနားမြို့တွင်းသို့ နေ့စဉ် ဝါးတူအစုံ၂သောင်းခွဲခန့် တင်ပို့ရောင်းချဖြန့်ဖြူးနေကြောင်း အဆိုပါ စက်ရုံ၏တာဝန်ခံ မန်နေဂျာ ထံမှသိရသည်။
- အဆိုပါစက်ရုံသည် ၂၀၁၅ခုနှစ်တွင်စတင်တည်ဆောက်ခြင်းဖြစ်ပြီး ယင်းနှစ်ကုန်ပိုင်းမှသာ ဝါးတူများကို ထုတ်လုပ်နိုင် ခဲ့၍ တူအကြမ်းမှ အချောထုတ်ပိုးပြီးသည့် အဆင့်အထိ ပြုလုပ်၍နေ့စဉ် မြစ်ကြီးနားမြို့တစ်ခုတည်း၌သာ ဝါးတူတစ်စုံကို ခြောက်ကျပ်ဖြင့် တင်ပို့ရောင်းချလျက်ရှိကြောင်း ယင်းစက်ရုံမှ မန်နေဂျာဦးဆန်းအောင်ကပြောသည်။
- ``ဖြန့်ချီတာကတော့ မြစ်ကြီးနားမြို့တွင်းပါပဲ ကျွန်တော်တို့ဆီက ဝါးတူတွေကို ဖယောင်းမသုံးဘဲ FDAက ခွင့်ပြု ထားတဲ့သဘာဝဆေးနဲ့ဘဲ ပေါင်းတာပါ ကျန်းမာရေးအရလည်း ကုန်ကြမ်းဝါးကိုပဲပေါင်းပြီးပြုတ်ပြီးတော့ သဘာဝလေနဲ့ပဲ လှမ်းတာပေါ့ ဘာမှChemical(ဓာတုဗေဒဆေးဝါး) မသုံးဘူးတချို့တွေကပိုးမတက်မှိုမတက်အောင်ဖယောင်းသုံးတယ်´´ဟု ၎င်းကပြောသည်။
- အဆိုပါစက်ရုံတွင် အလုပ်သမားအဖြစ်အောင်မြင်သာရွာဒေသခံ (၁၃)ဦးကို ခန့်ထား၍ယခုဝါးတူစက်ရုံ တည်ဆောက်ခြင်းအားဖြင့် ဒေသခံများ၏ အလုပ်အကိုင်ရရှိစေရေးအတွက်လည်း အထောက်အပံ့ဖြစ်စေကြောင်း သိရသည်။
- ထို့အပြင်ယင်းစက်ရုံအတွက် လိုအပ်သောကုန်ကြမ်းဝါးများကို အောင်မြင်သာ ဒေသခံများထံမှ ဝယ်ယူ၍ူ ယင်းစက်ရုံကိုလည်းတိုးချဲ့လုပ်ဆောင်သွားရန်ရှိကြောင်းသိရသည်။
- မြစ်ကြီးနားမြို့နှင့် ဝိုင်းမော်မြို့တွင် ဝါးတူစက်ရုံပေါင်း ၅ရုံခန့်ရှိကြောင်း သိရပြီး ကချင်ပြည်နယ် ဈေးကွက်အတွင်း ဖြန့်ဖြူးရောင်းချလျှက်ရှိသည်။
Comments
Post a Comment