အမျိုးသမီးနှစ်ဦးထံမှ နေအိမ်အတွင်း စိုက်ပျိုးထားသော ဆေးခြောက်အပင်များဖမ်းဆီးရမိ
အမျိုးသမီးနှစ်ဦးထံမှ နေအိမ်အတွင်း စိုက်ပျိုးထားသော ဆေးခြောက်အပင်များဖမ်းဆီးရမိ
EPN
မြစ်ကြီးနား နိုဝင်ဘာ ၂၉
- မြစ်ကြီးနားမြို့နယ်တွင် နေအိမ်အတွင်း စိုက်ပျိုးထားရှိသော ဆေးခြောက်အပင်၅ပင်နှင့် ဆေးခြောက် များဖမ်းဆီးရမိခဲ့ကြောင်း အမှတ်၂ မူးယစ်တပ်ဖွဲ့စုရုံးမှ သိရသည်။
- မြစ်ကြီးနားမြို့နယ် အတွင်းတွင် နိုဝင်ဘာ၂၈ရက် တစ်ရက်တည်း၌ နန်းကွေ့ကျေးရွာနှင့် ကျွန်းပင်သာ ရပ်ကွက်အတွင်းရှိ အမျိုးသမီးနှစ်ဦးထံမှ သတင်းအရ ဝင်ရောက်ရှာဖွေရာမှ ဖမ်းဆီးရမိခြင်းဖြစ်သည်။
- ``ဆေးခြောက်တွေနဲ့အတူ အရင်မိတာကတော့ နန်းကွေ့ရွာက မအားနာကို မိတာပေါ့သူ့ရဲ့ထွက် ဆိုချက်အရ ဆက်စပ်တရားခံ ကျွန်းပင်သာရပ်ကွက်က မဆိုင်းတောင်ဆီက ထပ်မိတာပါ´´ဟု မြစ်ကြီးနားမြို့ မူးယစ်တပ်ဖွဲ့စု ၂မှ ရဲမှုးဌေးလွင်ကပြောသည်။
- နန်းကွေ့ကျေးရွာ၊ရပ်ကွက်၅နေ မအားနာ၏ နေအိမ်အတွင်းမှ နေအိမ်မီးဖိုအတွင်း၌ ပီနံအိတ်ထဲ၌ ဆေးခြောက်၅၇၁ဂရမ်၊တန်ဖိုး (၁၉၉၈၅၀)ကျပ် သိမ်းဆည်းရမိပြီး ၎င်းနှင့်ဆက်စပ်တရားခံ မဆိုင်းတောင်၊ ကျွန်းပင်သာရပ်ကွက်၊အမှတ်၆၉၅(B)နေသူ၏ နေအိမ်အတွင်းမှ ခြံဝင်းအတွင်း စိုက်ပျိုးထားသော ဆေးခြောက် အပင် ၅ပင်နှင့် မီးဖိုဆောင် ပန်းကန်စင်ပေါ်မှ ဆေးခြောက်စုစုပေါင်း အလေးချိန် ၁၀.၁၅ ကီလိုဂရမ်၊တန်ဖိုး (၃၅၅၂၅၀၀)ကျပ် ကိုဖမ်းဆီးမိခဲ့ခြင်း ဖြစ်သည်။
- အဆိုပါ တရားခံဟု ယူဆရသူ မအားနာကို မူးယစ်ဆေးဝါးနှင့် စိတ်ကိုပြောင်းလဲစေသော ပုဒ်မ၁၅/၁၉ (က)အရ အမှုဖွင့် အရေးယူထားပြီး မဆိုင်းတောင်ကို ပုဒ်မ၁၅/၁၉နှင့်အတူ မူးယစ်ဆေးဝါး စိုက်ပျိုးသည့်ပုဒ်မ ၁၆(က)နှင့်အတူ ပုဒ်မ၂ခုဖြင့် အရေးယူထားကြောင်း မူးယစ်တပ်ဖွဲ့စု ၂၏ မှုခင်းမှတ်တမ်းများမှ သိရသည်။
Comments
Post a Comment