မိုးကောင်းတွင် နှစ်(၇၀)ပြည့်လွပ်လပ်ရေးနေ့အလံတင်အခမ်းအနားကျင်းပ
EPN
မိုးကောင်း၊ ဇန်နဝါရီ ၅
- ကချင်ပြည်နယ်မိုးကောင်းမြို့ဈေးကုန်းရပ်ရှိစိမ်းမြသီတာကျောက်တိုင်ကွင်းတွင် ဇန်နဝါရီ ၄ရက်ယနေ့နံနက် ၄နာရီ ၂၀မိနစ်တွင် နှစ်(၇၀)ပြည့်လွပ်လပ်ရေးနေ့ အလံတင်အခမ်းအနားနှင့်လွပ်လပ်ရေးနေ့အထိမ်းအမှတ်အားကစား စာစီစာကုံး ပြိုင်ပွဲများတွင်ဆုရရှိသူများကို ဆုချီးမြှင့်ပွဲကျင်းပပြုလုပ်ခဲ့သည်။
- ပြည်ထောင်စု သမ္မတမြန်မာနိုင်ငံတော်သည် ဗြိတိသျှအစိုးရအုပ်ချုပ်သည့် လက်အောက်မှ လွတ်လပ်ရေး ရရှိ ခဲ့နှစ်(၇၀)ပြည့်လွပ်လပ်ရေးနေ့ အလံတင်အခမ်းအနားသို့ ဌာနဆိုင်ရာ အကြီးအကဲ(၆၀)ဦးခန့်တက်ရောက်၍ နိုင်ငံ တော်အလံအားအလေးပြု ကြသည်။ ဒုတိယပိုင်းအနေနှင့်နံနက်၇ နာရီတွင် အမှတ် (၁) အခြေခံပညာအထက်တန်းကျောင်း ဘင်ခရာ တပ်ဖွဲ့မှဦးဆောင်၍ဌာနဆိုင်ရာအရာရှိများ ဦးဆောင် သောဝန်ထမ်းများနှင့် မြို့ပေါ်(၁၀)ရပ်ကွက်မှ မိဘပြည်သူများစုစုပေါင်းအင်အား ၅၀၀ဦးခန့်က မိုးကောင်းခန်းမမှစတင်၍ ချီတက်သွားကာ စိမ်းမြသီတာကျောက်တိုင်ကွင်းလွတ်လပ်ရေးနေ့သဝဏ်လွှာဖတ်ကြားမည့်အခမ်းအနားကိုတက်ရောက်ကြသည်။
- ရှေးဦးစွာနိုင်ငံတော်အလံနှင့်ကျဆုံးလေပြီးသောအာဇာနည်ခေါင်းဆောင်များကိုအလေးပြု ပြီးဆက်လက်၍ နိုင်ငံ တော်သမ္မတဦးထင်ကျော်ထံမှပေးပို့သောနှစ်(၇၀)ပြည့်လွပ်လပ်ရေးနေ့သဝဏ်လွှာကိုမြို့နယ်အုပ်ချုပ်ရေးမှူးဦးရန်နိုင်ထွန်း မှဖတ်ကြားခဲ့သည်။
- ထို့နောက်လွပ်လပ်ရေးနေ့အထိမ်းအမှတ်ဖူဆယ်ဘောလုံး၊ ဘောလီဘော၊စာစီစာကုံးပြိုင်ပွဲများတွင် ဆုရှိသူများ အားဆုချီးမြှင့်ခြင်းကိုဆောင်ရွက်ပါသည်။
- အဆိုပါ အခမ်းအနားသို့ ပြည်နယ်လွှတ်တော်ကိုယ်စားလှယ်ဒေါ်မြသွေးစံ၊ မြို့နယ်အုပ်ချုပ်ရေးမှူးဦးရန်နိုင်ထွန်း၊ မြို့နယ်ရဲတပ်ဖွဲ့မှူးယာယီရဲမှူးဝင်းမြင့်အောင်နှင့်ဌာနဆိုင်ရာအကြီးအကဲများ၊ ဝန်ထမ်းများ၊ မိဘပြည်သူများဆုရှိသူများ စုစုပေါင်းအင်အား၅၀၀ဦးခန့်တက်ရောက်ခဲ့ကြောင်း သိရသည်။
Comments
Post a Comment