မြစ်ကြီးနားမြို့တွင် ပထမအကြိမ်မြတ်ဆရာပူဇော်ပွဲကျင်းပမည်
မြစ်ကြီးနားမြို့တွင် ပထမအကြိမ်မြတ်ဆရာပူဇော်ပွဲကျင်းပမည်
EPN
မြစ်ကြီးနား ဒီဇင်ဘာ ၁၁
EPN
မြစ်ကြီးနား ဒီဇင်ဘာ ၁၁
- ကချင်ပြည်နယ်ပညာရေးမှူးရုံး၌တာဝန်ထမ်းဆောင်ခဲ့သော အငြိမ်းစားဆရာကြီး ဆရာမကြီးများ အား ပြည်နယ်ပညာရေးမှူးနှင့်ဝန်ထမ်းများ၊ မြစ်ကြီးနားခရိုင်ပညာရေးမှူးနှင့်ဝန်ထမ်းများ၊ မြစ်ကြီးနား မြို့နယ်ပညာရေးမှူးနှင့်ဝန်ထမ်းများ၊ မြစ်ကြီးနားမြို့နယ်အတွင်းရှိအခြေခံပညာအထက်တန်း အလယ် တန်း မူလတန်းကျောင်းအုပ်ကြီးများ၊ ဆရာဆရာမများစုပေါင်း၍ ပထမအကြိမ်မြတ်ဆရာပူဇော်ပွဲကို ဒီဇင်ဘာ ၁၂ ရက်(အင်္ဂါနေ့) မွန်းလွဲ ၁ နာရီတွင် မြစ်ကြီးနားမြို့ အမှတ်(၉) အခြေခံပညာ အထက် တန်းကျောင်း ရွှေသွေးခန်းမ၌ကျင်းပမည်ဖြစ်ကြောင်းသိရသည်။
- ယခုအကြိမ်၌ အငြိမ်းစားဆရာကြီး ဆရာမကြီး ၄၅ ဦးကိုပူဇော်ကန်တော့ရန်စီစဉ်ထားပြီး ယင်း တို့အနက်အသက်အကြီးဆုံးမှာ ပြည်နယ်ပညာရေးမှူး(စစ်ဆေးရေး) အဖြစ် ၁၉၈၈ ခုနှစ်မှ ၁၉၉၂-၉၃ ပညာသင်နှစ်အထိ တာဝန်ထမ်းဆောင်ခဲ့သူ ဆရာမကြီး ဒေါ်ခင်ထွေးဖြစ်ကြောင်း ပူဇော်ပွဲဖြစ်မြောက် ရေးအဖွဲ့အတွင်းရေးမှူးပြည်နယ်ပညာရေးမှူးရုံးမှလက်ထောက်ညွှန်ကြားရေးမှူးဦးမင်းဦးကပြော သည်။
- ယခုနှစ်ပူဇော်ပွဲသို့ အငြိမ်းစား ဆရာကြီး ဆရာမကြီး ၃၈ ဦးတို့က ကိုယ်တိုင်တက်ရောက် အပူ ဇော်ခံကြမည်ဖြစ်ပြီး အကြောင်းအမျိုးမျိုးကြောင့်မတက်ရောက်နိုင်သူ ခုနစ်ဦးတို့ကို နီးစပ်ရာ ဘဏ်မှ တစ်ဆင့် ကန်တော့ငွေများလွှဲပြောင်းပေးပို့သွားမည်ဟုသိရသည်။
Comments
Post a Comment