ပြည်ထောင်စု လွှတ်တော်ဖွံ့ဖြိုးရေးရံပုံငွေကျပ်သိန်း(၁၀၀၀)ကိုမြို့ပေါ်ရပ်ကွက်များတွင်ပိုမိုသုံးစွဲမည်
ပြည်ထောင်စု လွှတ်တော်ဖွံ့ဖြိုးရေးရံပုံငွေကျပ်သိန်း(၁၀၀၀)ကိုမြို့ပေါ်ရပ်ကွက်များတွင်ပိုမိုသုံးစွဲမည်
EPN
မိုးကောင်း ဒီဇင်ဘာ ၆
- ၂၀၁၇-၁၈ဘဏ္ဍာနှစ်၌ပြည်ထောင်စုလွှတ်တော်ဖွံ့ဖြိုးရေးရံပုံငွေကျပ်သိန်း(၁၀၀၀)ကိုစည်ပင်ဘတ်ဂျက် အရနည်းသောမြို့ပေါ်ရပ်ကွက်များတွင်ပိုမိုသုံးစွဲမည်ဖြစ်ကြောင်းပြည်သူ့လွှတ်တော်ကိုယ်စားလှယ်ဦးဝင်းနိုင်ကပြောကြားသည်။
- ပထမနှစ်စက်ဝန်းရာသီတွင်ကမ္ဘာ့ဘဏ်၏ ထောက်ပံ့မှုဖြင့် ကျေးလက်ဒေသဖွံ့ဖြိုးရေးစီမံကိန်းဌာနမှ ကျေးလက်ဒေသများ၌အကောင်အထည်ဖော်ဆောင်ရွက်ချက်များရရှိနေပြီဖြစ်သဖြင့်မြို့ပေါ်ရပ်ကွက်များအ တွက်ပိုမိုသုံးစွဲခြင်းဖြစ်ပြီးဆောင်ရွက်မှုအခြေအနေများစည်းကမ်းနှင့်အညီအချိန်မ်ီဆောင်ရွက်၍ဆောင်ရွက်ပြီးစီးမှုကို၂၀၁၈ခုမတ်လ(၃၁)ရက်မတိုင်မှီတင်ပြရန်ယင်းမှဆက်လက်ပြောကြားပါသည်။
- ကချင်ပြည်နယ်မိုးကောင်းမြို့အထွေထွေအုပ်ချုပ်ရေးဦးစီးဌာနအစည်းအဝေးခန်းမတွင်ဒီဇင်ဘာ ၅ရက် နေ့ခင်း၂နာရီက၂၀၁၇-၁၈ဘဏ္ဍာနှစ်ပြည်ထောင်စုလွှတ်တော်ဖွံ့ဖြိုးရေးရံပုံငွေကျပ်သိန်း(၁၀၀၀)ကိုပြည်သူ့ လွှတ်တော်ကိုယ်စားလှယ် ဦးဝင်းနိုင်၊ အမျိုးသားလွှတ်တော်ကိုယ်စားလှယ်ဒေါက်တာခင်မကြီး၊ မြို့နယ် အုပ်ချုပ်ရေးမှူးဦးရန်နိုင်ထွန်း၊စည်ပင်အမှုဆောင်အင်ဂျင်နီယာဦးထွန်းကိုကိုဝင်း၊ကျေးလက်ဦးစီးအရာရှိ ဒေါ်အေးအေးလင်းတို့မှလုပ်ငန်းခွဲဝေရရှိသောမြို့နယ်အတွင်းရှိရပ်ကွက်/ကျေးရွာလုပ်ငန်းအကောင်အထည် ဖော်ရေးကိုယ်စားလှယ်များအားခွဲဝေပေးအပ်ခဲ့သည်။
- "လွှတ်တော်ဖွံ့ဖြိုးရေးရံပုံငွေကိုတစ်လုံးတစ်ခဲတည်း ချပေးတဲ့မြို့နယ်ဆိုတာနည်းပါတယ် ၊အရစ်လိုက်ပေးတဲ့အခါကျတော့လုပ်ငန်းလုပ်တဲ့အခါအခက်အခဲနဲ့ရင်ဆိုင်ကြရလို့အဆင်ပြေချောမွေ့မှုရှိအောင်လို့တစ်လုံးတစ်ခဲတည်းချပေးထားပါတယ်"ဟုပြည်သူ့လွှတ်တော်ကိုယ်စားလှယ်ဦးဝင်းနိုင်မှပြောပါသည်။
- အဆိုပါပေးအပ်ပွဲအခမ်းအနားသို့ရပ်ကွက်/ကျေးရွာကိုယ်စားပြုတစ်ရပ်ကွက်၃ဦးကျေးရွာတစ်ရွာ၃ဦးစီ ဖြင့်လုပ်ငန်းအကောင်အထည်ဖော်ရေးကိုယ်စားလှယ်(၁၆၀) ဦးခန့်တက်ရောက်ပါသည်။
Comments
Post a Comment