မိုးညှင်း သိမ်အင်းရပ်ကွက် လူနေအိမ်အတွင်း မူးယစ်ဆေးရောင်းချသူလူငယ်အားဖမ်းဆီးမိ
မိုးညှင်း
သိမ်အင်းရပ်ကွက် လူနေအိမ်အတွင်း မူးယစ်ဆေးရောင်းချသူလူငယ်အားဖမ်းဆီးမိ
EPN
မိုးညှင်း
နိုဝင်ဘာ ၂၃
- မိုးညှင်းမြို့ သိမ်အင်းရပ်ကွက် လူနေအိမ်အတွင်းသို့ မူးယစ်ဆေးရောင်းချနေကြောင်းသတင်းအရ ၀င်ရောက်ရှာဖွေခဲ့ရာ မူးယစ်ဆေးနှင့်အတူ လူငယ်တစ်ဦးအားဖမ်းဆီးမိခဲ့ကြောင်းသိရသည်။
- အဆိုပါလူငယ်မှာ အသက်၂၅နှစ်ရှိ ရှိုင်းထက်အောင်ဆို သူဖြစ်ပြီးမူးယစ်ဆေးသုံးစွဲနေ သည့်အပြင် ပြန်လည်ရောင်းချနေသူဖြစ်ကြောင်းမိုးညှင်းမြို့မရဲစခန်းဒုစခန်းမှူးရဲအုပ်ညွှန်လှိုင်ကပြောသည်။
- “အခုဖမ်းမိတဲ့လူငယ်ကိုယ်တိုင်ထွက်ဆိုထားတာရှိပါတယ်သူကိုယ်တိုင်သုံးစွဲနေပြီးနမ္မချီမှော်ဘက်မှာ ၀ယ်ယူပြီးပြန်လည်ရောင်းချနေတာ၁နှစ်ကျော်၂နှစ်လောက်ရှိနေပြီလို့ပြောပြခဲ့ပါတယ်”ဟုရဲအုပ်ညွှန်လှိုင်က ပြောသည်။
- ဖြစ်စဉ်မှာမိုးညှင်းမြို့မရဲစခန်းနယ်ထိန်းခေါင်းဆောင်ရဲအုပ်သက်နိုင်ဦးနှင့်အဖွဲ့၊မိုးညှင်းခရိုင်ရဲတပ်ဖွဲ့မှူးရုံး မှုခင်းနှိပ်နင်းရေးဌာနမှဒုရဲအုပ်ဇော်လွင်တို့အဖွဲ့ကမူးယစ်ဆေးဝါးရောင်းဝယ်နေကြောင်း သတင်းအရ နိုဝင်ဘာ ၂၁ရက်နေ့ ညနေ ၆နာရီခန့် က သိမ်အင်းရပ်ကွက်ရှိ အိမ်အမှတ်-သအ/၇၁ နေရှိုင်းထက်အောင်ဆိုသူ၏နေအိမ် ကိုသွားရောက်ရှာဖွေခဲ့ကြကြောင်းသိရသည်။
- မူးယစ်ဆေးများကို ၎င်း၏နေအိမ် အိပ်ခန်းအတွင်းခြေရင်းနေရာထရံသစ်သားထုတ်တန်းပေါ်၌၀ှက်ထား ကြောင်းထွက်ဆိုခဲ့ပြီး မူးယစ်ဆေးများအား ရောင်းချပြီးရရှိငွေ ကျပ် (၂၂၃၀၀၀) အား နေအိမ်အိပ်ခန်း အတွင်း ချိတ်ထားသည့်အနွေးထည်ဂျင်းအင်္ကျီလက်ရှည်အတွင်းအိပ်ကပ်(၄)ခုတို့၌သိမ်းဆည်းထားကြောင်းသက်သေး များရှေ့တွင်ညွှန်ပြခဲ့သဖြင့် သိမ်းဆီးခဲ့ကြောင်းသိရသည်။
- ထရံသစ်သားထုတ်တန်းပေါ်ရှိအဖြူရောင်ကြွပ်ကြွပ်အိတ် အတွင်းအ၀ါရောင်အဖုံးပါအမြင့်(၁)လက်မခွဲ ခန့်အချင်း လက်မ၀က်ခန့်ရှိအဖြူရောင်ပလပ်စတစ်ကော်ဗူးဖြင့်ထည့်ထားသောဘိန်းဖြူဟုယူဆသော ဖြူဝါ ရောင်အမှုန့်(၀.၂)ဂရမ်ခန့်စီပါသောဗူး(၃)ဗူး၊စုစုပေါင်းအလေးချိန် (၀.၆)ဂရမ်ခန့် ကမ္ဘာလုံးတံဆိပ်ပါအပြာရောင် ကပ်ခွာအိတ်ဖြင့်ထည့်ထားသော(88/1)စာတန်းပါနီညိုရောင်စိတ်သွပ်ရူးသွပ်ဆေးပြား(၇၉)ပြားစုစုပေါင်းအလေးချိန်(၇.၉)ဂရမ်ခန့် တို့အားတွေ့ရှိခဲ့ကြောင်းသိရသည်။
- မူးယစ်ဆေးနှင့်အတူတွေ့ရှိခဲ့သောလူငယ်ရှိုင်းထက်အောင်ဆိုသူအား
မယ(ပ) ၁၆၆ မူးစိတ် ပုဒ်မ ၁၅/၁၉ (က)/၂၀(က)တို့ဖြင့်ဖမ်းဆီးအရေးယူထားကြောင်း မိုးညှင်းမြို့မရဲစခန်းကသိရသည်။
သီဟ
Comments
Post a Comment