မိုးညှင်းမြို့အ၀င်တွင်ကျွန်းရွက်ဖြင့်ထုတ်ကာဘိန်းဖြူမှုန့်သယ်ဆောင်သူကိုဖမ်းဆီးမိ
မိုးညှင်းမြို့အ၀င်တွင်ကျွန်းရွက်ဖြင့်ထုတ်ကာဘိန်းဖြူမှုန့်သယ်ဆောင်သူကိုဖမ်းဆီးမိ
EPN
မိုးညင်း
နိုဝင်ဘာ၁၆
- မိုးညှင်းမြို့နယ်အတွင်း မူးယစ်ဆေးဝါး သယ်ဆောင်သူများအား ရှာဖွေဖမ်းဆီးနေရာ မူးယစ်ဆေး သယ်ဆောင်သူများက ပုံမှန်သယ်ယူသည့်ဆပ်ပြာခွက်ဖြင့်မသယ်ယူကြတော့ဘဲ ကျွန်းပင်မှ ကျွန်းရွက်ဖြင့်ထုတ်ကာဘိန်းဖြူမှုန့်သယ်ဆောင်နေကြကြောင်းမိုးညှင်းမြို့မရဲစခန်းစခန်းမှူးဒုရဲမှူးထွန်းမြင့်အောင်ကပြောသည်
- “မူးယစ်ဆေးတွေကို ပုံစံပြောင်းပြီးနည်းမျိုးစုံနဲ့ သယ်ယူနေကြလို့ အချိန်မှီဖမ်းဆီးနိုင်အောင် ဆောင်ရွက်နေပါတယ် ရဲတပ်ဖွဲ့အနေနဲ့ လှည့်ကင်း ပတ်ကင်းတွေနဲ့ ရှာဖွေဖမ်းဆီးနေပါတယ် အခုလည်းမနက်စောစောလှည့်ကင်းအဖွဲ့ကမင်္သကာလို့ရှာဖွေဖမ်းဆီးခဲ့တာပါ ဟု မိုးညှင်းမြို့မရဲစခန်း စခန်းမှူးဒုရဲမှူးထွန်းမြင့်အောင်ကပြောသည်
- အဆိုပါဖမ်းဆီးမှုသည် မိုးညှင်းမြို့မရဲစခန်းမှ နယ်ထိန်းအဖွဲ့ ရဲအုပ်ဇော်မျိုးထွန်းနှင့် မူးယစ်တပ်စု(၃)မှရဲတပ်ဖွဲ့ဝင်များသည် နိုဝင်ဘာ၁၆ရက်နေ့မနက်၅နာရီအချိန် ကလှည့်ကင်းဆောင်ရွက်နေစဉ် မော်ဟန်ကျေးရွာဘက်မှ မိုးညှင်း မြို့ဘက်သို့ မသင်္ကာဖွယ် Canda 125 နီ နက်ရောင် ဆိုင်ကယ်စီးလာသူအားရှာဖွေခဲ့ရာ မူးယစ်ဆေးများကို ကျွန်းရွက်(၂)ရွက်ဖြင့် ထုတ်ပြီး တိတ်အမဲဖြင့်ပတ်ကာ သယ်ဆောင်နေသည်ကိုတွေ့ရှိသဖြင့်ဖမ်းဆီးမိခဲ့ကြောင်းသိရသည်။
- ဆိုင်ကယ်စီးလာသူမှာမိုးကောင်းမြို့ပင်းကျိုင်းကျေးရွာနေ အသက်(၃၉)နှစ်ရှိကျော်နိုင်ဆိုသူဖြစ်ပြီး ၎င်း၏ဆိုင်ကယ်တူးဘောက်အတွင်းကျွန်ရွက်ဖြင့်ထုပ်ထားပြီးတိပ်အမဲပါတ်ကာ ပလပ်စတစ်ဖြင့်ထည့်ထားသော မူးယစ်ဆေးဝါးဟုယူဆသော ကာလတန်ဖိုး ကျပ်(၇)သိန်းဖိုး ရှိ ဖြူ/၀ါ အမှုန့် အလေးချိန် ( ၁၀)ဂရန်ပါ(၁)ထုပ် အားတွေ့ရှိခဲ့သည်ဟုဆိုသည။်
- ကျော်နိုင်အားစစ်ဆေးမေးမြန်းရာ မော်ဟန်ကျေးရွာမှ နမ္မချီမှော်ဘက်သို့သွားရာကားလမ်းအနီးတွင်အသက်(၃၀)ခန့်ရှိကချင်အမျိုးသားတစ်ဦးထံမှသုံးစွဲရန်နှင့်ပြန်လည်ရောင်းချရန်ကျပ်(၃)သိန်းဖိုးဝယ်ယူခဲ့သည်ဟုအမှုစစ်ထံမှသိရသည်။
- မူးယစ်ဆေးနှင့်အတူဖေမ်းဆီးမိခဲ့သောကျော်နိုင်ဆိုသူကို မယပ ၁၅၆ မူးစိတ်ပုဒ်မ ၁၅/၁၉(က) ဖြင့်မိုးညှင်းမြို့မရဲစခန်းတွင်ဖမ်းဆီးအရေးယူထားကြောင်းသိရသည်
သီဟ
Comments
Post a Comment