ပြည်ခိုင်ဖြိုးပါတီမှ လက်ရှိနိုင်ငံရေး အခြေအနေ ဆွေးနွေးပွဲကို ပထမဆုံးအကြိမ် ပြုလုပ်

ပြည်ခိုင်ဖြိုးပါတီမှ လက်ရှိနိုင်ငံရေး အခြေအနေ ဆွေးနွေးပွဲကို ပထမဆုံးအကြိမ် ပြုလုပ်

EPN

မြစ်ကြီးနား၊ နိုဝင်ဘာ၁၄

• ပြည်ခိုင်ဖြိုးပါတီမှ လက်ရှိနိုင်ငံရေး အခြေအနေ ဆွေးနွေးပွဲကို မြစ်ကြီးနားမြို့၌ ပထမဆုံးအကြိမ် ပြုလုပ်ခဲ့ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးမှ သိရသည်။

• အဆိုပါပွဲ၌ ယနေ့နိုင်ငံတော်၏ လုံခြုံရေး၊ စီးပွားရေး ၊အုပ်ချုပ်ရေး ၊ တို့ကို အဓိကထား ဆွေးနွေးခဲ့ကြပြီး ပြည်ခိုင်ဖြိုးပါတီဝင် ၅၀ဦးခန့်တက်ရောက်ခဲ့ကာမြစ်ကြီးနားမြို့နယ် ပြည်ခိုင်ဖြိုးပါတီရုံးတွင် နိုဝင်ဘာ ၁၁ရက်နေ့က ပြုလုပ်ခဲ့သည်။

ဆွေးနွေးပွဲမှအသံ

**************

ဦးစိုးသိန်း(အတွင်းရေးမှုး)

ကချင်ပြည်နယ် ပြည်ခိုင်ဖြိုးပါတီ

``ဒီအစိုးရလက်ထက်မှာ တရားဥပဒေစိုးမိုးရေး၊အခြေ ခံဥပဒေ ပြင်ဆင်ရေးနဲ့ငြိမ်းချမ်းရေး ဆိုပြီးကြွေးကြော်ခဲ့ကြတယ် ဘာတွေအောင်မြင်လာသလဲ ပြည်သူတွေ စားဝတ်နေရေး တိုးတက်အောင် လုပ်စရာတွေ အများကြီးရှိရဲ့သားနဲ့ ပဲစားပွဲတော်၊ကြက်သားစားပွဲတော်နဲ့ ငြိမ်းချမ်းရေးဆုတောင်းပွဲတွေ လုပ်နေတာက တိုင်းပြည်နစ်နာတယ်´´ဟု ကချင်ပြည်နယ် ပြည်ခိုင်ဖြိုးပါတီ၏ အတွင်းရေးမှုး ဦးစိုးသိန်းကပြောသည်။

  ဦးညွှန့်ဝင်း(ဥက္ကဌ)

မြစ်ကြီးနားမြို့နယ် ပြည်ခိုင်ဖြိုးပါတီ

• ယခင်အစိုးရ လက်ထက်၏ ငါးနှစ်သက်တမ်းကာလတွင် NCAလက်မှတ်ထိုးသည့် အဖွဲ့ရှစ်ဖွဲ့ရှိခဲ့ပြီး ယခုအစိုးရ၏ နှစ်နှစ်တာကာလ NCAတွင် တစ်ဖွဲ့မှ ပါဝင်လာခြင်း မရှိသည့်အတွက် ငြိမ်းချမ်းရေးဖြစ်စဉ်နှင့် ပတ်သက်၍လည်း အားရမှု့မရှိကြောင်း မြစ်ကြီးနားမြို့နယ် ပြည်ခိုင်ဖြိုးပါတီဥက္ကဌ ဦးညွှန့်ဝင်းကပြောသည်။
•  

ဦးသန်းအောင်

ပြည်ခိုင်ဖြိုးပါတီဝင်

• ``နိုင်ငံရေး သမိုင်းကြောင်းကိုသိမှ နိုင်ငံရေး လုပ်လို့ရမယ်၊အတွေ့အကြုံ မရှိတဲ့သူတွေနဲ့ လုပ်နေရင် ငြိမ်းချမ်းရေး ကဝေးနေဦးမှာပဲ´´ဟု ပြည်ခိုင်ဖြိုးပါတီဝင် ဦးသန်းအောင်ကပြောသည်။

အဆိုပါပွဲတွင် စီးပွား​ရေးအနေနှင့် ယခုအစိုးရသက်တမ်း၂နှစ်ကာလတွင် ယခင်အစိုးရသက်တမ်း၅နှစ်ထက် လိုငွေပိုပြခဲ့ပြီး ပြည်သူတစ်ဦးချင်းစီ၏ အကြွေးမှာလည်း ပိုများလာခဲ့ကြောင်း အချက်အလက်များဖြင့် ဆွေးနွေးခဲ့ကြသည်။

မီးမီး