နယ်မြေလုံခြုံရေးကိစ္စကို ပိုမိုအလေးထားဆောင်ရွက်ရန် ရှမ်းမျိုးနွယ်စုရေးရာအဖွဲ့(SEA) အတွင်းရေးမှူး ပြော
နယ်မြေလုံခြုံရေးကိစ္စကို ပိုမိုအလေးထားဆောင်ရွက်ရန် ရှမ်းမျိုးနွယ်စုရေးရာအဖွဲ့(SEA) အတွင်းရေးမှူး ပြော
EPN
အင်းတော်ကြီး အောက်တိုဘာ ၃
- ကချင်ပြည်နယ် မိုးညှင်းမြို့နယ် အင်းတော်ကြီးဒေသ နယ်မြေလုံခြုံရေးကိစ္စကို ပိုမိုအလေးထား ဆောင်ရွက်ရန်မှာကြားခဲ့ကြောင်း ရှမ်းမျိုးနွယ်စုရေးရာအဖွဲ့(SEA)မှ အတွင်းရေးမှူး ဦးစိုင်းထွန်းရင်က ပြောသည်။
- အဆိုပါဒေသများသည် ကေအိုင်အို/ကေအိုင်အေတို့၏ ဆက်ကြေးကောက်ခံခြင်း၊ လူသစ်စုဆောင်း ခြင်း နှင့် ကေအိုင်အေတို့၏ ဒေသခံပြည်သူများအပေါ် လူ့အခွင့်အရေး အများဆုံး ချိုးဖောက်ခံနေရသော ဒေသများ ဖြစ်၍ ရပ်ရွာလုံခြုံရေးအတွက် ဌာနေပြည်သူ့စစ်များကို ယင်းသို့ မှာကြားခဲ့ခြင်းဖြစ်သည်။
- "ကျွန်တော်တို့ရဲ့ ခေါင်းဆောင်တွေ ခုလိုလာရောက်ပေးတဲ့အတွက် အားရှိသလို နယ်မြေ အခြေအနေတွေ တင်ပြခွင့်ရတဲ့အတွက် ဝမ်းသာပါတယ်" ဟု နန့်မွန်းဌာနေပြည်သူ့စစ်စခန်းမှ ဦးညီညီက ပြောသည်။
- အင်းတော်ကြီးဒေသ အနောက်ခြမ်း နယ်မြေအခြေအနေနှင့် ရှမ်းမျိုးနွယ်စုများ စည်းစည်းလုံးလုံး ရှိကြဖို့၊ လုံခြုံရေးကိစ္စကို ယခင်ထက် ပိုမိုဂရုစိုက်ဆောင်ရွက်ရန်မှာကြားခဲ့ကြောင်း သိရသည်။
- မြန်မာပြည်မြောက်ပိုင်း ရှမ်းမျိုးနွယ်စုရေးရာအဖွဲ့(SEA)မှ အတွင်းရေးမှူး ဦးစိုင်းထွန်းရင်နှင့် လူငယ်စည်းရုံးရေးမှူး ဦးစိုင်းမျိုးသီဟ တို့သည် စက်တင်ဘာ(၃၀)ရက်မှ အောက်တိုဘာ(၂)ရက်နေ့အထိ အင်းတော်ကြီးဒေသ အနောက်ခြမ်းရှိ ဌာနေပြည်သူ့စစ်စခန်းများသို့ သွားရောက်ပြီး ပြည်သူစစ် တပ်ဖွဲ့ဝင် များ၏ ကျန်းမာရေး၊ စားဝတ်နေရေး ကိစ္စရပ်များကို ကြည့်ရှုမေးမြန်းခဲ့ပြီး လုံခြုံရေးကိစ္စကို ယခင်ထက် ပိုမို ဂရုစိုက်ဆောင်ရွက်ရန် မှာကြားခဲ့ကြောင်း သိရသည်။
Comments
Post a Comment