ဓားဖြင့်ငါးချက်အထိုးခံရပြီး ဒဏ်ရာရရှိကာ လူငယ်တစ်ဦး အထူးကြပ်မတ်ကုသဆောင်တွင် ကုသနေ
EPN
မြစ်ကြီးနား၊ စက်တင်ဘာ ၁၄
- ကချင်ပြည်နယ် မြစ်ကြီးနားမြို့ သီတာရပ်ကွက်နှင့် ဒူကထောင်ရပ်ကွက်အကြား အ.ထ.က၅ ကျောင်းအနီးတွင် ဓားဖြင့် ငါးချက်အထိုးခံရပြီး ဒဏ်ရာရရှိကာ လူငယ်တစ်ဦး အထူးကြပ်မတ်ကုသဆောင် တွင် ကုသနေရကြောင်း မြို့မရဲစခန်းမှ သိရသည်။
- “လောလောဆယ် လူနာကဆေးရုံမှာပါ ဒဏ်ရာအခြေအနေကြောင့်လား ကြောက်သွားတာလား တော့မသိဘူး စကားမပြောနိုင်ဘူး” ဟု မြို့မရဲစခန်းမှ တာဝန်ရှိသူ တစ်ဦးကပြောသည်။
- ဖြစ်စဉ်မှာ စက်တင်ဘာ ၁၃ရက် ည၁၁နာရီခန့်တွင် သီတာရပ်ကွက်နှင့် ဒူကထောင်ရပ်ကွက် အကြား အ.ထ.က၅ အနီးတွင် မောင်ဆွတ်ရိန်(၁၈နှစ်)သည် သူငယ်ချင်းများနှင့် ထိုင်၍ စကားပြောနေစဉ် လူတစ်ဦးမှ နောက်ကျောကို ဓားဖြင့်ထိုးကာ ထွက်ပြေးသွားခဲ့ကြောင်းသိရသည်။
- ကျောကုန်းတွင် လက်မဝက်ခန့် ဓားထိုးဒဏ်ရာ၅ချက်ဖြင့် မည်သူထိုးသည်ကို မသိရှိရသဖြင့် သူငယ်ချင်းဖြစ်သူ ဘောက်ဒီးဆိုင်းမှ မြစ်ကြီးနား ဆေးရုံကြီးသို့ လိုက်ပို့ခဲ့ခြင်းဖြစ်ကြောင်းသတင်းရရှိသည်။
- လူနာ၏ အဒေါ်ဖြစ်သူ ဒေါ်ခွန်မိုင်မှ တရားလိုပြုလုပ်ကာ တိုင်ကြားခဲ့သဖြင့် မြို့မရဲစခန်းမှ ရာဇသတ်ကြီးပုဒ်မ ၃၂၆ (ဘေးဖြစ်စေတတ်သောလက်နက်ဖြင့် အပြင်းအထန်နာကျင်စေမှု)အရ အမှုဖွင့် အရေးယူ ဆောင်ရွက်ထားရှိကြောင်း သိရသည်။
Comments
Post a Comment