မိုးကောင်းမြို့တွင် အသက်မွေးဝမ်းကျောင်း အထောက်အကူပြု စိုက်ပျိုးရေးနှင့် မွေးမြူရေးနည်းပညာ သင်တန်းဆင်းပွဲကျင်းပ
မိုးကောင်းမြို့တွင် အသက်မွေးဝမ်းကျောင်း အထောက်အကူပြု စိုက်ပျိုးရေးနှင့် မွေးမြူရေးနည်းပညာ သင်တန်းဆင်းပွဲကျင်းပ
EPN
မိုးကောင်း စက်တင်ဘာ ၂၉
- ကချင်ပြည်နယ် မိုးကောင်းမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနက ကြီးမှူး ဖွင့်လှစ်သည့် အသက်မွေးဝမ်းကျောင်း အထောက်အကူပြု စိုက်ပျိုးရေးနှင့် မွေးမြူရေးနည်းပညာသင်တန်း ဆင်းပွဲကို စက်တင်ဘာ ၂၉ ရက် နံနက် ၉ နာရီက မြို့နယ်လူထုဗဟိုပြုစီမံကိန်းရုံး၌ကျင်းပခဲ့သည်။
- ယင်းအခမ်းအနားတွင် မြို့နယ်အုပ်ချုပ်ရေးမှူး ဦးရန်နိုင်ထွန်းက အမှာစကားပြောကြားပြီး မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှူး ဦးနေသူရိန်စိန်လှက သင်တန်း၌ ပို့ချသင်ကြားပေးမှု အခြေအနေများကို ဗွီဒီယိုမှတ်တမ်းများပြသ၍ ရှင်းလင်းပြောကြားခဲ့သည်။
- သင်တန်းသားခေါင်းဆောင် ဦးစိုးသူ(ထီချိုင့်ကျေးရွာ)က သင်တန်းဖွင့်လှစ်ပေးခြင်းအတွက် မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနနှင့် သင်တန်းလာရောက်ပို့ချပေးသည့် ဌာနဆိုင်ရာ အသီးသီး မှ နည်းပြဆရာဆရာမများကိုကျေးဇူးတင်ပါကြောင်း၊ သင်တန်းသားများအနေဖြင့်လည်း သင်တန်းမှ ရရှိသော ပညာရပ်များကို မိမိတို့ကျေးရွာများတွင် ပြန်လည်ဖြန့်ဝေ ပေးကြစေလိုကြောင်း ပြောကြား ခဲ့သည်။
- ထို့နောက် မြို့နယ်အုပ်ချုပ်ရေးမှူးနှင့် တာဝန်ရှိသူများက သင်တန်းဆင်းလက်မှတ်များ၊ သင်တန်း ထူးချွန်ဆုများနှင့် သင်တန်းနည်းပြများအတွက် ဂုဏ်ပြုလက်ဆောင်ပစ္စည်းများ ပေးအပ်ချီးမြှင့်ခဲ့ကြပြီး သင်တန်းသို့ သင်တန်းသား သင်တန်းသူ ၃၀ဦး တက်ရောက်ခဲ့ကြပြီး သင်တန်းကာလမှာ ၁၅ ရက်ကြာမြင့် ခဲ့ကြောင်းသိရသည်။
Comments
Post a Comment