ဟိုပင်မြို့ ထိန်နိုင်ဇုံနယ် လူငယ်ဘောလုံးပြိုင်ပွဲကျင်းပ
ဟိုပင်မြို့ ထိန်နိုင်ဇုံနယ် လူငယ်ဘောလုံးပြိုင်ပွဲကျင်းပ
EPN
ဟိုပင် စက်တင်ဘာ ၂၆
- ကချင်ပြည်နယ် မိုးညှင်းခရိုင် ဟိုပင်မြို့တွင် စက်တင်ဘာ ၂၅ ရက် မွန်းလွှဲ သုံးနာရီအချိန်က ပြည်သူ့ အားကစားပြိုင်ပွဲကွင်း၌် ထိန်နိုင်ဇုံနယ်လူငယ်ဘောလုံးပြိုင်ပွဲတွင် အသင်းရှစ်သင်းပါဝင်ကာ ကွင်းဖွင့် အခမ်းအနားပြုလုပ်ပြီး ဟိုပင်အသင်းနှင့် နန့်ဟိုင်အသင်းတို့ စတင်ယှဉ်ပြိုင်ကစားကြကြောင်း သိရသည်။
- ၎င်းပြိုင်ပွဲတွင် ထိန်နိုင်ဇုံနယ်မှ မိုးညှင်း၊ မိုးကောင်း၊ ဟိုပင်၊ မရမ်း၊ နန်းမ္မတီး၊ လမ်းဆုံ၊ နန့်ဟိုင်၊ မိုးကောင်း အနောက်ခြမ်းအသင်းတို့ ပါဝင်ယှဉ်ပြိုင်ကစားကြပြီး ၎င်းအသင်းရှစ်သင်းကို အုပ်စုနှစ်ခုခွဲကာ ၂၅ - ၉ - ၂၀၁၇ မှ ၁၄ - ၁၀ - ၂၀၁၇ အထိ ယှဉ်ပြိုင်ကစားကြမည်ဖြစ်ကြောင်း ဘောလုံးပွဲဖြစ်မြောက်ရေးကော်မတီ မှ သိရသည်။
- "ထိန်နိုင်ဇုံနယ်အတွင်းရှိ လူငယ်များ ဘောလုံးအားကစားထူးချွန်လာစေရန်နှင့် မျိုးဆက်သစ်အားကစားသမားများ ပေါ်ထွက်လာစေရန်အဓိကထားပြီး ထိန်နိုင်နယ်ဇုံအတွင်းရှိ လူငယ်များလမ်းမှားမရောက်စေရန်အတွက် တန်ဖိုးရှိလှသင့်ဘ၀၊ မူးယစ်ကင်းစင် ကျန်းမာမှ အသိအမြင်မှန်ရစေရန်၊ လူငယ်လူရွယ်များ ဘောလုံးဝါသနာရှင်အားကစားသမားများအတွက် ရည်ရွယ်ပြီးစတင်ကျင်းပကြောင်း" ဘောလုံး ပွဲဖြစ်မြောက်ရေးကော်မတီမှ ဆရာဇော်လှိုင်ကပြောသည်။
- အဆိုပါ ဘောလုံးကွင်းဖွင့်ပြိုင်ပွဲသို့ ထိန်နိုင်ဇုံနယ်မှ မိုးညှင်း၊ မိုးကောင်း၊ ဟိုပင်၊ မရမ်း၊ နန်းမ္မတီး၊ လမ်းဆုံ၊ နန့်ဟိုင်၊ မိုးကောင်းအနောက်ခြမ်းအသင်းတို့ နှင့် အားကစားဝါသနာရှင် စုစုပေါင်း ၅၀၀ ကျော်လာရောက်အားပေးခဲ့ကြောင်း သိရသည်။
Comments
Post a Comment